Difference Between Direct & Indirect

Difference Between Direct & Indirect

Hamare Is topic ka Main Purpose hai Direct aur indirect ke Bich ki Confusion ko Dur Karna aur is Topic ko Completely Dekh lene ke Baad Aapko Kabhi Bhi Direct aur Indirect ke bich me Confusion nahi hogi One By one Samajhte hai. To Shuru karenge Ham Indirect Expenses ke Sath

Indirect Expenses

Expenses ka Matlab to aap Sabhi Ache se jante hi Honge Iska Matlab hota hai kharche aur Business me hone Wale kharche Bahut Sare hote hai to kaise Pehchane ki Kaunse Kharche Indirect Expenses hai aur aakhir ye indirect Expenses hota kya hai.

Indirect Expenses ki pehchan 3 tarah se ki ja Sakti hai

1. Wo Kharche Jo Business ko Behtar Dhang se Chalane ke Liye Karne Padte hai.
2. Wo Kharche Jo Business me nahi Bhi Kiye Jaye Tab bhi Business ko Chalaya Ja Sakta hai.
3. Wo Kharche Jo Business me Beche jane wale Product ya Di jane Wali Service me nahi Jode ja Sakte

Example ke Through aapko Sab Samajh me Aa jayega.

Maan Lijiye ki Aapne ek naya Naya Mobile ka Business Shuru kiya ab naya naya Business Hota hai to Bahut Kam Sale Hoti hai Aap Sabhi Jante hi Honge aur naye naye Business me kharche Bhi Bahut kam Hote hai ye Bhi Aap jante hi Honge. Shuru Shuru me Koi Staff nahi Rakhe Tab bhi Kaam Shuru Ho Jata hai.

Lekin Kuch time Baad me Aapko Ehsas huwa ki Sale Bahut kam ho Rahi hai is Business ko Aur Behtar karna Padega iske liye aapne pehla Kharcha Kiya –

Advertisement Expenses ka Yani aapne Apni Dukan ka Advertisement karwaya chahe wo Advertisement aap Kaise bhi Karwao Akhbar Me, Pamplates ke jariye, Taxi me Announcement Ke jariye ya Koi bhi Dusre Tarike se.

Ab is Advertisement Expenses me ye teeno Bate aati hai jo Maine aapko Batai

1. Advertisement karne se aapka Business aur behtar dhang se chalega
2. Advertisement Agar nahi bhi karoge tab bhi aapka Business Chalega
3. Advertisement Expenses ko Mobile ki Kimat me bhi nahi Jod Sakte

To ye indirect expenses ki Pehchan hoti hai aur ek Business me Bahut Sare Indirect Expenses Hote hai. Jinme se Kuch Common Indirect Expenses main Aapko Bata Deta hu.

Direct Expenses

Ab ham direct Expenses ko Samajhte hai indirect Expenses ke alawa bhi kuch aise kharche hote hai Jo Business me karne padte hai Lekin wo Kuch aise kharche hote hai jinka link Directly Business me Beche jane wale Product se hota hai ya phir Di jane Wali Service se hota hai

Direct Expenses Jyadatar 2 tarah ke Business me hi dekhne ko milte hai

1. Manufacturing Business – Jaha par kisi Product ki Manufacturing ki Jati hai Yani kache maal se Pakka aur Bechne layak Product Taiyyar kiya Jata hai
2. Service Provide – Jaha par kisi bhi tarah ki Service di jati hai Jaise Visitng card Print Karna, Internet ki Service Dena, Mobile Repairin ki Service Dena ETC

Direct Expenses ko bhi 2 tarah se Samjha ja Sakta hai.

1. Wo Expenses jinhe na kare to Business ko nahi Chalaya Ja Sakta
2. Wo Expenses Jo Maal ki kimat ko Prabhavit karte hai.

Ab in Dono Bato ko bhi ham ek Example ke Through Samajhte hai Maan lijiye ki Maine Visiting Card Print karne Ka Business Shuru kiya aur main Chahta hu ki Visiting card Print karne ki Machine kharidu.

Zahir si baat hai machine ke Bina visiting card Print nahi kiye Ja Sakte to mujhe Iske Liye Machine Kharidni hi Padegi abhi aur suniye Machine bhi Kharid Lunga to visiting Card Print Kis Par karunga Paper bhi to Lane Padenge Abhi aur suniye Paper bhi le aaunga but Print karne ke Liye Material ki bhi to Jarurat Padegi yani ink bhi to Lani Padegi.

To ye Sab Kharche Karne Padenge tab main Visiting card Print Kar Sakunga aur Agar ye Kharche nahi karta hu to In Kharcho ke Bina Visiting card ko Print kaise karunga to ye to ho gaya hamara pehla Example

Dusra Example wo Kharche Jo maal ki Kimat ko Badhate hai.

Maan Lijiye ki Main Lakdi Ke Darwaje Banane ka kaam Karta hu aur kisi Client ne Mujhe Ek Gate Banane ka Order Diya ab Dekhiye ye Lakdi ka Jo Gate Banega wo Client ki Demand ke According bhi banaya Ja Sakta hai Yani overall Ek Lakdi ka gate Jo banker Taiyyar hoga uski Kimat Ye Sabhi Kharche Decide Karenge

1. Lakdi ki Quality – aap Kis Quality ki Lakdi Use Karoge
2. Design – Us lakdi ke Gate me Kis Tarah ki Design Daloge
3. Cutting – Gate ka Shape Dene ke liye Lakdi ki Cutting bhi Karni Padegi
4. Color – Gate Par kis tarah ka Color karoge
5. Polish – Gate me aap kis Quality ki polish Karoge
6. Tools & Kit – Gate par kitni Kile Lagegi, Kitne Screw Lagenge, Kis Quality Ka handle Lagega, Kis Quality Ka lock hand Lagega
7. Labour – Gate ko Taiyyar karne me kitni Labour Lagegi

To Ye Itne Sare Kharche hai jo ek Gate ki Kimat ko Prabhavit karte hai aur inke aadhar par hi taiyyar hone wale gate ki kimat tay ki jati hai is tarah Lagne wale sabhi kharcho ko Direct Expenses kehte hai.

Indirect income

Indirect Income ko Samajhna to Bahut Aasan hai iska to Sidha Sidha Answer hai Income ka Matlab hota hai Aay aur Indirect income se Matlab Business me hone Wali Aisi Aay se hota hai jo Business ki Wajah se nahi hoti balki kisi Dusre kisi jariye se Jo income hoti hai Use indirect Income kehte hai Jaise

Direct Income

Direct income ko bhi Bahut Aasani se Samjha ja Sakta hai aur isko bhi main aapko bahut hi aasani se samjha deta hu Jis Income ko pane ke liye hame Direct Expenses Karne padte hai Us Income ko Direct income Kehte hai.

Ab aap me se bahut se samajhdar log ye sochenge ki Isne to Direct Income ki Paribhasha hi Change karke Rakh di to main un sabhi Samajhdar logo se yahi kahunga ki maine shuru se hi kitabi gyan me kabhi bhi Interest nahi diya main kitabi gyan ko Apne tarike se samajhta hu jo mere liye samajhne me sabse jyada aasan ho aur aapko bhi usi tarike se samjha raha hu taki aapko samajhne me aasan ho.

To kaha tha main han Jis Income ko pane ke liye hame Direct Expenses Karne padte hai Us Income ko Direct income Kehte hai For Example

Visiting Card banane me jo bhi Kharcha Laga hamne kiya Chahe wo paper Kharidne ka tha ya ink Kharidne ka. Ab maan lijiye ki 1000 visiting card 500 Rs. Me bankar Taiyyar huwe Lekin Hamne Wahi visiting Card Client ko 1500 Rupye me Beche to 1000 Rupye hamari income ho Gai aur ise hi Direct income kehte hai.

Visiting Card Printing – Direct Income

Bilkul Isi Tarah Jo Client ne Jo Gate banane ke liye hame diya wo Gate Sare Kharche Jodkar 7000 Rupye me Bankar Taiyyar huwa lekin Client ko Hamne 10000 Rupye me Becha to hamari 3000 rupye ki income hui ise hi direct income kehte hai.

Wooden Gate – Direct Income

Samajh me Aa Gaya na Ab main aapko yahi Chiz Kitabi Language me bhi bata deta hu Warna Kuch Samajhdar log kahenge ki Lambi Lambi hankta hai.

1. Wo Income Jiske Liye Business Shuru kiya jata hai use Direct income kehte hai
2. Wo Income Jo Service Dene ke Baad hoti hai use direct income kehte hai.
3. Wo Income Jo Maal ke Manufacturing karne ke Baad Hoti hai use Direct Income kehte hai
4. Over all Wo Income jo Hame Mukhye Business ki Wajah se hoti hai use Direct income kehte hai.

Download PDF Notes Here