What is Depreciation in hindi

What is Depreciation in Hindi

Depreciation ka hindi me arth hota hai mulya has Arthart kisi Sampati ke Mulya me kami hona aur is baat ko ham ek example ke through Easily Samajh Sakte hai.

Maan lijiye ki Maine aaj ek naya Mobile Kharida Jiski Kimat hai 14000 Rupye aur 3 mahine ke baad main us mobile ko bechna chahta hu. To koi bhi 3 mahine ke baad us mobile ko 14000 rupye me nahi kharidega us mobile ke kewal mujhe 8-10000 rupye ke bich me hi milenge.

Maan lijiye ki maine wo mobile 10000 Rupye me bech diya to wo mobile maine kharida tab 14000 rupye diye lekin becha tab mujhe 10000 rupye hi mile yani 4000 rupye ka mujhe ek tarah se loss ho gaya aur ye bhi keh sakte hai ki mobile ki kimat me 4000 rupye ki kami aa gai ise hi depreciation kehte hai.

How Depreciation Calculated For Business Assets

Upar jo maine example diya hai wo just maine aapko samjhane ke liye diya hai But kisi Business me aisa nahi hota hai ki ham apni marji se kisi bhi sampati par koi bhi kimat ghata de.

Iske liye sarkar ke dwara ek depreciation rate nirdharit ki jati hai uske according hi hamare business me mojud sampatiyo par depreciation lagaya jata hai.

Alag alag fixed assets par alag alag depreciation rates lagti hai jisme kuch fixed assets ki list aapko niche mil jayegi waha par aap dekh sakte hai lekin main aapko ek fixed assets ka example de deta hu ki depreciation kaise lagaya jata hai.

How Depreciation Apply

Maan lijiye ki maine apne Dukan ke liye ek AC kharidi April 2019 me 20000 Rs. Me aur ham sabko pata hai ki Jab Financial year Complete hota hai to March nikalne ke baad Government ko Hamare Business ka Data Dena padta hai Jisme AC ki Kimat bhi Jati hai.

To AC jo hamne April 2019 me 20000 rs. Ki kharidi kya wo March 2020 tak 20000 rs. Ki rahegi.

Nahi Us AC ki kimat Ghat Jayegi to ab yaha par sawal ye hai ki us AC ki kimat kitni ghategi ye hame pata chalega Government dwara Decide ki gai Alag Alag Fixed Assets ki Alag Alag Depreciation Rates ka Pat karke Jaise AC ki Depreciation Rate hai 15%

To yaha par hame AC ki march 2020 ke liye Depreciation Nikalna Padega jo Kuch is tarah se Niklega – 20000*15%=3000 Rs. – yani 3000 Rs. Hame us AC ki Value Kam karni hogi Jo Kuch Is tarah se ho jayegi – 20000-3000 = 17000 Rs. Arthart March 2020 Tak us AC ki kimat 17000 Rs ho Jayegi aur 3000 Rs. Us AC par Depreciation Lag Jayega.

Lekin Wahi AC Agar hamne 3 October ke baad kharidi hoti to Depreciation 15% ki Jagah 7.50% hi lagega arthart Aisi koi bhi fixed assets jo ham Business me 3 October ke baad kharidte hai to Depreciation Rate ka Aadha hi Deprecition Lagta hai.

Yaha par Kuch Regularly Business me kharide jane wali Fixed Assets ki list hai jisme bataya gaya hai ki kis fixed assets par kitna depreciation lagta hai.

Download PDF Notes Here