What is Income Tax Return in Hindi

What is Income Tax Return in Hindi

I am Pretty Sure ki aap sabhi ne income tax return ke bare me 100% suna hai. But agar aapko income tax return se related kisi bhi tarah ke sawal hai ya confusion hai to fikar not aapki ye confusion ab dur hone wali hai. Shuru karte hai Income Tax Ke matlab ke sath

What is Income Tax

Iska Bahut simple sa answer hai ki jo Tax hamari Income par Lagta hai use income Tax kehte hai. Aur wo income jo hamne 1 saal me ki yaani 1 financial year me aur easy language me convert karu to keh sakta hu ki 1.4.2019 se lekar 31.3.2020 tak maine job bhi maine income ki us par jo tax lagta hai use income tax kehte hai aur ye Tax Bharne ke liye hame jo Return lagana Padta hai Use Income Tax Return kehte hai.

Who Can Fill Income Tax Return

Income Tax Return Koi bhi File kar Sakta hai Jaruri nahi hai ki Income Tax Return File karne ke liye Koi Business hona chahiye ya Khud ki koi Company hone Chahiye Balki Har wo Banda jo Kisi na kisi tarah ki Income Karta hai Chahe Kisi tarah ki Job karta ho Ya Fir Self Employed ho jaise  – Doctor, Engineer, Accountant, Teacher, Advocate, Shopkeeper, Dairy Farm Wala everybody Every Indian Can Fill Income Tax Return

Documents & information Required For Income Tax Return

Aisa nahi hai ki Aapko Income Tax Return File karna hai to aapke Paas kisi tarah ki Firm honi Chahiye ya Aapki firm GST me Registered Honi Chahiye, Purchase Honi Chahiye, Sale honi Chahiye No Aisa Kuch Bhi Nahi hai. Income Tax Return ke liye Jo Chiz Jaruri hai Wo Bata Deta hu.

1. Income Source – yani Aapki Koi bhi Aisa Kaam honi Chahiye Jis se aapki income hoti hai For Example Bhale hi aap Ek Computer Operator hi kyu na ho
2. Pan Card – Document me Jo Sabse Pehla Document aapke paas hona chahiye wo hai Pan Card Jo ki aniwarya hai.
3. Bank Diary – Aapka jis bhi bank me account hai uska Pura ek financial year ka statement bhi income tax return File karwane ke liye dena padta hai.
4. Photo – 1 photo ki bhi jarurat padit hai.
5. Detail of Assets – aapke paas khud ki kitni sampati hai uski detail bhi income tax return me deni padti hai For Example Aapke naam se plot ya makan hai yaa apke paas personal Car hai Uski Detail aur Value Ya aapke paas kitna cash balance hai kitna Bank balance hai ye sari detail deni padti hai
6. Detail of Liablity – Aapse log kitne rupye maang rahe hai ya Current me aapka kis kis se loan liya huwa hai iski detail bhi income tax return me jati hai.

Income Tax Liability

Dekhiye Aisa bhi nahi hai ki Jo Bhi income Tax return File karega usko Tax Bharna hi padega kai Log yahi Sochte hai aur Income Tax Retrun File Karwane se darte hai. Tax Kewal usi ko hi Bharna Padega Jiski Income Tax Liability ke under aati ho ya aur Easy Language me kahu to Keh Sakte hai ki Sarkar ke Dwara Nirdharit ki Gai Limit se Jyada Agar koi Kamata hai to kewal use hi Income par Tax bharna padta hai.

Ab Koi Banda Saal ke 84000 Rupye hi kamata hai yani 7000 Rupye mahina Ab wo Sochega ki main Income Tax Return kyu Bharu Ya main Sarkar ko Tax kyu Bharu meri to itni Kamai Bhi Nahi hai.

To Dekhiye Aisa nahi hai Aisa Banda Bina Be Jhijhak Income Tax Return Bhar Sakta hai use koi bhi Tax Bharne ki Jarurat nahi hai Jab tak uski Income Tax Liability ke under Nahi Aati

Income Tax Slabs

To Ab yaha par sawal ye hai ki kisko Income Par Tax bharna Padta hai Ya Income ki Kitni Limit hai Jispar koi Tax nahi Lagta Ya Kitni Income Hone Par Tax Bharna Padta hai. Aayiye Jante hai.

Ye Jo Slab main Aapko Bata Raha hu Wo Financial Year 2019-2020 Ke liye Hai

How to Calculate Tax

Yaha Par main Aapko Financial year 2019-2020 ke liye Bataunga ki Income par Tax Kaise Calculate Kiya Jata hai. Maan Lijiye ki Meri Income hoti hai 8,20,000 Rupye yearly To main is Slab me Aata hu – 12500 + 20% of Total income Excedding.

To Sawal ye Hai Ki Mujhe kitna Tax Bharna Padega To Dosto income Tax aapko Slab By Slab Calculate karna padta hai wo kaise main aapko batata hun

1. Slab 1 – 2,50,000 Rupye Tak nil hai
2. Slab 2 – 2,50,001 se 5,00,000 Rupye Income Par 5% lekin yaha par Aapko 5 Lakh ka 5% nahi Nikalna hai Balki 5,00,000 Rupye me 2,50,000 Rupye hai Jispar Koi Tax nahi Lagta Usko Pehle Ghatana hai Yani 5 Lakh – 2.50 Lakh = 2.50 lakh Arthart 2,50,000 Ka 5% = 12500 Rupye to Ye Tax to Ho Gaya 5,00,000 Rupye Tak
3. Slab 3 – yaha Par Meri income 5,00,000 se bhi jyada hai Wo hai 8,20,000 Jabki 5,00,000 tak jo income hai us par 5% tax hai ab baki ki Jo Income Bachti hai us par 20% lagega. Arthart 820000-500000= 320000 ( wo Income Jispar mera 20% Tax lagega) Arthart 320000*20% = 64000 Rupye

To Agar Meri Income Financial Year 2019-20 me 820000 Rupye hai to mujhe Total jo Tax Pay Karna Padega wo hota hai 12500+64000=76500 Rupye Ye Tarika hota hai Income par Tax Calculate Karne ka.

Ye Slab Financial year 2020-21 Yani jo Abhi Chal raha hai uske Liye Fir Change Ho Gaya hai.

Rebate on Income Tax

Ab jiski Income 820000 Rupye Ban rahi hai usko 1 Saal me sarkar ko 64000 Rupye Tax Sarkar ko Pay karne pad Rahe hai. But yaha par Hamare Paas Ek Aisa Option bhi hota hai Jis se ham Ye Bhare jane wale tax ko Kam Kar Sakte hai.

But Aisa Kaunsa Tarika hai

Ye Kehna ki Main 5,00,000 se jyada nahi kama raha aur 5,00,000 Rupye Tak to koi Tax hi Nahi Bharna to Bach Gaye Mere 64000 Rupye No! ye illegal Tarika hai Income ko Kabhi Bhi Chupana Nahi chahiye Aapne Suna hi hoga ki income Tax ki Raid Pad gai Wo isi Wajah se Padti hai.

Sarkar ki nazar me to unki Kamai Saal ki 5,00,000 se Jyada nahi hai yani Tax Bachane ke Chakkar me Kam kamai Dikha Rahe hai, Lekin Khud ke Naam se Bade Bade Bunglow Khade Kar Diye BMW Gadi Kharid li, To Bhaisaab aap Ye Sab Laaye Kaha se

Income Par lagne Wale Tax ko Bachane ka Legal Tarika bhi hota hai Jo ki Ek Alag Topic hai aur is par bhi ek Pura Video ban sakta hai to wo Chize main aapko abhi is topic me nahi bata raha uske liye ek naya topic banaunga.

What is Advance Tax

Mere Khayal se Aap Sabhi ne Advance Tax ka Naam to Suna hi Hoga Nahi Suna to main Bata Deta hu ki Advance Tax kya hai.

Jaise Abhi maine aapko Example Diya ki Meri Jo Income Hui Wo Thi 820000 Rupye aur Uspar Jo Tax Mujhe pay Karna hai wo Hai 64000 Rupye But Yaha Par Mujhe 64000 Rupye + 1% per Month Ke hisab se Interest yani Byaz Bhi Bharna Padega yani Maan Lijiye Ki Mujhe Income Par Jo Tax Bharna hai wo to 64000 Rupye hai But Kyunki Maine Koi Bhi Advance Tax nahi Bhara to Mujhe uspar Interest bhi dena Padega Yaani Maan Lijiye ki 64000 ki Jagah 65-66 Hazar Rupye Bharne padenge

So Government ye Kehti hai ki Aapko Lagta hai ki Apko Apni Income Par Tax Bharna Padega Chahe Wo Kitna bhi Tax ho to Wo Tax aap 4 Installment me Advance Tax ke Rup Me Bhar Sakte hai Agar Aap Chahte hai ki Apke Income tax me kisi tarah ka Byaz Nahi lage to.

Advance Tax Return File Karne ki bhi Last Date hoti hai maan Lijiye ki Mujhe Lagta hai ki Ye Jo Financial Year Chal Raha hai 2020-2021 Jo Abhi Shuru hi Huwa hai Wo Jab khatam Hoga Yani March 2021 Me To is Pure Saal me Main 820000 Rupye Ek Saal me Kamaunga To us par Maan Lijiye ki 64000 Rupye Income Tax Banta hai to main ye 64000 Rupye Baad me Na Bharke Pehle Hi 4 Installment me Advance me Deposit Karwa Sakta hu Jiski Last Date Kuch Is Parkar se hai.

Benefit of Filling Income Tax Return

1. Aapki income Government ke Dwara Verified Income hoti hai For Example aapse Koi Bank Wala Puchta hai ki aap yearly Kitna Kamate hai Aur Aap Kahenge ki 150000 Rupye to ye aapke According hai lekin Is Baat ko Prove karega income Tax Return Agar aapne File karwaya hoga. Yani ek Tarah se keh Sakte hai ki Income Tax Return Aapke Dwara Kamai Jane wali Income Ko Verify karne ka certificate hai.
2. Aapko kisi bhi Tarah ke loan ki jarurat hai to Sabse Pehle Bank Wale Income Tax Return hi mangte hai Yani agar aapka Future me plan hai ki aapko loan lena hai to aapke paas income tax return jarur hona chahiye.

Last Date of Filling Income Tax Return

Sabse Pehli Baat ki income Tax Return 1 Saal me Kewal 1 Baar hi Lagta hai aur wo bhi Tab jab Financial Year Complete Ho jata hai For Example  Aaj 11/04/2020 hai Aur Recently 31 March Nikla hi Hai Yani 1 Financial Year Complete Ho Chuka hai wo hai 2019-2020.

Ab maan Lijiye Mujhe Income Tax Return File Karwana hai to Main 1 April 2020 se Lekar 31 July 2020 Tak kabhi Bhi Karwa Sakta hu. Yani Last Date jo Hai wo 31 July 2020 hai Lekin Ye Last Date Sarkar Dwara Aage bhi Badhai Ja Sakti hai.

To Dosto Sari Detail thi Income Tax return ke Bare me jo maine aapko batadi yani income tax return ke bare me jo kuch bhi aapko pata hona chahiye wo sab maine aapko bata diya.

Ab yaha par ek topic jo bachta hai wo hai ki income tax ko kaise save kiya ja sakta hai to wo thoda advance level ka topic hai usko ham phir kabhi clear karenge

Lekin ek aur topic hai jise ham agle topic me clear karne wale hai aur wo hai Difference between income Tax Return & Sales Tax Return

PDF Notes Download Karne hai to Link aapko Description me mil Jayegi

To Jald hi Milenge Naye Topic ke sath Tab tak ke liye Take Care & happy Learny

Download PDF Notes Here